Sulmuesi kilian Alexis Sanchez është i vendosur që të largohet nga Arsenali, ai do të jetë i lirë të flasë me klubet e tjera nga merkato e Janarit dhe në atë të Verës mund të largohet me parametra zero. Manchester City është ekipi që ka shfaqur më shumë interes për transferimin e kilianit, pasi edhe Guardiola e njeh mirë si lojtarë pasi e ka stërvitur tek Barcelona dhe mund ti shërbejë shumë repartit të sulmit.
Por tani është shfaqur në skenë gjiganti i PSG-së që e kërkon për të plotësuar treshen e sulmit Neymar-Mbape-Sanchez. Ky interes u ngjall nga Unai Emery pas ‘sherrit’ të javës së fundit mes yllit brazilian Neymar dhe uruguaianit Edison Cavani, për ekzekutimin e një penalltie.
28-vjecari tek parisienët do të fitonte rreth 400.000 Euro në javë, gati dyfishin e asaj që merr tek londinezët. Sanchez është duke i dëgjuar të gjitha ofertat që vijnë drejt tij, por akoma nuk ka marrë një vendim. Guardiola i është trembur interesimit të parisienëve dhe ka kërkuar që të shpejtohen diskutimet. Sanchez është formuar si lojtarë në akademinë e Udineses në Itali ku luajti për disa sezone, më pas bëri hap gjigant në karrierë duke kaluar tek Barcelona.
/Tirana Today
