Ka paqe mes Liverpool dhe Manchester City në atë që u quajt ndeshja që do të vendosë titullin. Tashmë që janë luajtur 8 ndeshje në Premier League vendi i parë mbahet nga tre skuadra me nga 20 pikë: Liverpool, Manchester City dhe Chelsea. Arsenal dhe Tottenham kanë dy pikë më pak.
Në këtë ndeshje pritej të kishte spektakël dhe gola, por nuk ndodhi kështu, vetëm tre gjuajtje në portë në 45’ minutat e para nga dy skuadrat që njihen për mentalitetin sulmues. Në pjesën e dytë gjërat ndryshuan disi, por gjithsesi mungoi goli.
Mundësinë më të mirë për të vendosur ndeshjen e pati Ryiad Mahrez, pesë minuta para fundit të ndeshjes, por sulmuesi algjerian humbi penalltinë e akorduar për faullin që Van Dijk shkaktoi ndaj Sane.
Goditja e Mahrez nga pika e bardhë përfundoi mbi portën e mbrojtur nga Alisson. Kësisoj, Manchester City nuk arriti të fitojë për herë të 17-të radhazi në fushën e Liverpool, ku suksesi i tyre i fundit daton në vitin 2003.
Nga gjashtë penalltitë e fundit të ekzekutuara nga Mahrez, ai ka humbur katër. Të dyja këto ekipe nuk e kanë provuar ende shijen e humbjes në këtë kampionat. Ndërsa Guardiola vazhdon të mos e thyej “mallkimin” Klopp, pasi në përballjet mes tyre katalanasi nuk ka fituar asnjëherë.
