Njëzet vjet më parë, më 14 Shtator 1998, funerali i heroit të demokracisë, Azem Hajdari, u përdor nga Sali Berisha për të tentuar marrjen e pushtetit me dhunë.
Godinat e kryeministrisë dhe RTSH, u pushtuan shpejt nga militantët e PD. Kryeministri socialist, Fatos Nano, ia mbathi në Maqedoni. Pamjet bënë sërish xhiron e botës.
SHBA dhe BE e denoncuan grushtin e shtetit, dhe i bënë thirrje Berishës të tërhiqej nga ajo marrëzi.
PD lëngoi edhe 7 vite të tjera në opozitë, para se të ringjitej në pushtet më 2005-ën. Pesë vjet pas daljes në opozitë, ish-kryeministri nuk rresht së bëri thirrje për “revolucion demokratik” kundër qeverisë Rama.
Berisha ndihet qartazi i kërcënuar nga një drejtësi e re, e pakontrolluar prej tij. Ndaj e përdor skenarin e dhunës, si një mjet presioni që askush të mos i trazojë jetën, tani që është në moshë të thyer.
Përgatiti Tirana Today
