Një debat i nxehtë politik midis një politikani pakistanez dhe një gazetari, shumë shpejt u shndërrua në një përleshje të dhunshme, gjatë një transmetimi televiziv të drejtpërdrejtë.
Masroor Ali Siyal, një udhëheqës i lartë i partisë qeverisëse Tehreek-e-Insaf (PTI), sulmoi gazetarin dhe presidentin e “Karachi Press Club”, Imtiaz Khan, duke u shfaqur në “News Line me Aftab Mugheri” të hënën.
Siyal dëgjohet teksa paralajmëron Khanin, për tonin e tij agresiv dhe më pas fillon ta godasë me grushta dhe shkelma.
Dyshja u desh të ndahej nga stafi i televizionit dhe të ftuarit e tjerë, pasi transmetimi i drejtpërdrejtë vazhdonte.
Masroor Ali Siyal më pas u ul përsëri për të vazhduar diskutimin, ndërsa Khan u largua nga studio për disa minuta para se të kthehej në panel, duke lëshuar një paralajmërim tek drejtuesi i PTI.
Video e përleshjes u përhap shumë shpejt në rrjete sociale.
Is this Naya Pakistan? PTI's Masroor Ali Siyal attacks president Karachi press club Imtiaz Khan on live news show. pic.twitter.com/J0wPOlqJTt
— Naila Inayat (@nailainayat) June 24, 2019
