Edhe pse i dënuar me 2 vite burg nga gjykata e vendit, ish-kryeministri i Maqedonisë së Veriut, Nikolla Gruevski duket se po i shijon në maksimum ditët e tij të azilit, në Hungari.
Së fundmi ai është fotografuar në një event të Odës Ekonomike Italiane në Hungari, ku ai duket në formë mjaft të mirë dhe i shoqëruar nga figura të njohura hungareze.
Mirëpo në disa foto, Gruevski shihet me një vajzë e cila ka marrë të gjithë vëmendjen mediatike. Si duket, Gruevskin nuk e pengon fare dënimi që ka marrë në vendlindje dhe duket se po përshtatet mirë me jetën publike, në shtetin e Hungarisë.
Herë pas here, ai lëshon ndonjë mesazh politik, sa për të provokuar debat në Maqedoninë e Veriut dhe sa për të na kujtuar të gjithëve se ai është ende këtu.
