Dalin detaje të reja lidhur me gruan e cila u gjet e vrarë mëngjesin e sotëm pranë liqenit të Sharrës. Lirie Xhepa ishte banore e zonës, e cila para pak kohësh kishte humbur bashkëshortin e saj. Ajo është nënë e dy djemve, njëri prej të cilëve ndodhet në burg.
Trupi i 49-vjeçares u gjet i hedhur në ferra, ndërsa pas këqyrjes së trupit u konstatuan shenja dhune në pjesën e pasme të kokës, ndërsa në trup u gjetën plagë teksa ajo ishte qëlluar tre herë me armë zjarri.
Dyshohet se Xhepa është vrarë rreth orës 21:00 të mbrëmjes së djeshme. Ajo u gjet nga banorë të zonës, të cilët kanë dëshmuar se kanë parë një makinë që është larguar me shpejtësi nga vendi i ngjarjes.
Njoftimi i policisë:
Tiranë
Identifikohet trupi i pajetë, i gjetur pranë liqenit të Sharrës mëngjesin e sotëm. Trupi i përket shtetases L. Xh., 49 vjeçe.
Nga kqyrjet në trup rezulton se shtetasia L. Xh., është qëlluar me armë zjarri pistoletë dhe si pasojë e plagëve të marra ka gjetur vdekjen.
Policia po punon për zbardhjen e plotë të rrethanave të ngjarjes, identifikimin dhe kapjen e autorit.
