U dashurua me një burrë që ishte shtirur si një grua, por e vërteta doli pas dy javëve martesë. Një imam kishte shkuar në xhami dhe aty ishte lutur për të gjetur partneren e jetës së tij. Ai ka rrëfyer se po kërkonte për tu martuar, e kur ishte përballur me një “vajzë” të cilën e cilësonte si të bukur, i kishte propozuar për martesë.
Por fatmirësisht gënjeshtra zgjati pak, pasi burri i cili vishej si një grua, kishte vjedhur tek fqinjët pranë. Kaq mjaftoi që të denoncohej në rajonin e policisë dhe falë një kontrolli, doli në shesh edhe e vërteta. Rasti në fjalë i ka ndodhur një imami nga Uganda, ku mësoi se “gruaja” e tij, në fakt ishte burrë.
Sheikh Mohammed Mutumba ka thënë për mediat se mes tyre nuk kishte ndodhur asnjë akt seksual, pasi “e shoqja” i kishte thënë se ishte me menstruacione.
Po si u mësua e vërteta? Fqinjët kishin vënë re se “gruaja” kishte hipur në mur, ku kishte vjedhur televizorin si dhe rrobat. Ata denoncuan rastin në fjalë në polici dhe efektivët arrestuan të dyshuarën.
E dyshuara mbërriti në komisariat e veshur me rroba islamike dhe sandale. Më pas, një oficere policie iu desh ta kontrollonte të akuzuarën përpara se ajo të futej në qeli.
“Është një procedurë normale që ushtrohet ndaj kujtdo”, shpjegon oficeri Isaac Mugera, duke shtuar se oficerja nuk po u besonte syve pas zbulimit të papritur.
