Futbollisti rus, Denis Glushakov është duke bërë xhiron e botës, pasi është filmuar nga gruaja e tij gjatë kohës që ishte në sauna me një femër të panjohur që bashkëshortja e tij e quan “prostitutë”.
Daris Glushakov rrëfen se përpara se ta filmojë e ka parë atë në krahët e femrës tjetër. “Ata ishin ulur pranë një tavolinë, kishin verë dhe fruta para. Ajo i ishte ulur në prehër dhe ai ishte vetëm me peshqir”, thotë Daris Glushakov, gruaja e lojtarit me të cilin ka edhe dy fëmijë.
Në video dëgjohet zëri i saj, e cila e akuzon: “Ja ku është prostituta e tij, Ja ku është ajo dhe ai”, ndërkohë që ai i përgjigjet: “Po e keqkupton”.
Glushakov është lojtar i Spartak Moscow në Rusi, ndërsa numëron 57 ndeshje me kombëtaren ruse. Të enjten ai nuk udhëtoi me ekipin e tij drejt Austrisë për ndeshjen kundër Rapid Vienna për Europa League, pasi ai ishte dënuar nga klubi sepse i kishte bërë “like” një postimi në Instagram ku një aktor i njohur rus ofendonte trajnerin e Spartak.
