Policia e Malësisë së Madhe ka parandaluar një krim në familje. Ngjarja ka ndodhur në fshatin Kastrat. Policia ka marrë një telefonatë nga shtetasja V. Sh 25 vjeçe, e cila ka kërkuar ndihmë pasi po dhunohej nga bashkëshorti.
Forcat e policisë kanë mbërritur në banesën e tyre duke parandaluar dhunimin e mëtejshëm të gruas nga ana e bashkëshortit Fran Shelinaj, 33 vjeç.
Policia bëri arrestimin në flagrancë të 33-vjeçarit, ndërsa gjatë kontrollit të ushtruar është gjetur dhe sekuestruar në cilësinë e provës materiale, një armë zjarri Automatik.
Materialet iu referuan Prokurorisë së Rrethit Gjyqësor Shkodër për veprat penale “Armëmbajtje pa leje” e “Dhuna në Familje” parashikuar nga nenet 278 e 130/a të Kodit Penal.
