Rreth 2.1 ton produkt mish pule janë asgjësuar duke i groposur. Kjo sasi u bllokua ditën e djeshme në qytetin e Vlorës, pasi përmbante ngarkesë të lartë mikrobiologjike.
Sipas njoftimit të Autoritetit Kombëtar të Ushqimit, mishi i papërpunuar, i paketuar në kuti kartoni 10 kg dhe i ngrirë në temperaturë -18 °c pas kryerjes së analizave në momentin e nisjes për në Republikën e Shqipërisë, rezultoi me prezencë salmonele.
Mësohet se ngarkesa kishte ardhur nga Polonia me destinacion Shqipërinë.
