Anëtarja e Kryesisë së PD-së, Grida Duma, së fundmi ka qenë e ftuar në emisionin “Mos i fol shoferit”, ku ka folur ndër të tjera për fëmijërinë.
Moderatorja e emisionit në fjalë e pyeti Dumën: “Çfarë të kujtohet më shumë nga festat e fëmijërisë?”
Ndërkohë Grida Duma u përgjigj në këtë mënyrë: “Më kujtohen punët e shtëpisë, sa shumë bënim, ka qenë tmerr. Unë jam rritur në shtëpi private dhe sot i tregoj tim biri, se ai i ka qejf këto historitë, se është e tmerrshme, është si të mbash një fabrikë.
Do shkoje një herë tek tarraca, pastaj janë veglat e oborrit, pastaj ke mbajtur ndonjë qen, mace, pulë, pastaj oborri, pastaj në 8 të darkës futeshe brenda pasi kishe mbaruar pastrimin.
Unë mbaj mend vetëm datën 1 ose 2 që ishte pushim absolut dhe nuk kishte punë shtëpie. Për festa gatuaj shumë pak, nuk kam qejf një tavolinë shumë të ngarkuar. Kam qejf që gjeli të jetë i freskët, të jetë një mish i butë”.
