Eros Grezda ka bërë hapin e tij të madh në karrierë pasi i është bashkuar gjigantit skocez të Glasgow Rangers, me të cilët ka nënshkruar një kontratë 4-vjeçare. Menjëherë pas zyrtarizimit, sulmuesi anësor i kombëtares shqiptare ka folur fjalët e para për sajtin zyrtar të klubit:
“Është një përvojë e pabesueshme për mua. Unë kam ëndërruar që fëmijë që të luaj me një klub të madh, i mbështetur nga shumë tifozë. Nuk mund të shkonte më mirë për mua se sa tani që jam këtu. Pres me padurim të luaj para tifozëve. Mendoj se ishte koha e duhur për mua, që në moshën 23-vjeçare, të kaloj në një ligë kaq të mirë dhe në një klub të madh si Rangers. Ky është një hap i madh në karrierën time”-është shprehur Grezda.
“Të jem i sinqertë para se të vija këtu nuk dija shumë rreth Rangeres, por pasi filluam bisedimet për transferimin, nisa të shoh historinë e klubit dhe të lexojë rreth transferimeve të fundit. Jam shumë i lumtur që jam këtu. Kjo është hera e parë që zbres në një stadium të zbrazët, është një ndjenjë tjetër, është ende e pabesueshme.
Unë pres me padurim të luaj ndeshje zyrtare me tifozët. Klubi dhe tifozët presin shumë që unë të jap maksimumin tim. Unë jam një lojtar i shpejtë dhe unë do të mundohem të shënoj gola, kështu shpresoj të shënoj golat e fitoreve këtu”-ka përfunduar futbollisti kuq e zi.
