Vijojnë replikat në distancë mes përfaqësuesve të qeverisë greke dhe asaj shqiptare, lidhur me çështjen e vrasjes së 35-vjeçarit Konstantinos Kacifas. Reagimi i radhës vjen nga zëdhënësi i Demokracisë së Re në Greqi, Giorgos Koumoutsakos.
Ai e cilëson si të papranueshme deklaratat e kryeministrit Rama, bërë një ditë më parë për çështjen Kacifa.
“Edi Rama, dje i hodhi benzinë zjarrit, kur foli në rrjetet sociale për varrimin e Kacifas.
Deklaratat e tij ishin provokative dhe të papranueshme. Qeveria jonë heshti, duke e inkurajuar atë”, shprehet mes të tjerave Koumoutsakos.
