Në Greqi është konfiskuar një ngarkesë me origjinë nga Turqia, që transportonte eksploziv drejt Libisë, duke konfirmuar çmontimin e një “bombe artizanale”.
Lajmi është konfirmuar nga rojet bregdetare greke, që thanë se anija e ndaluar më 6 janar transportonte 29 arka që kishin në përmbajtje detonatorë dhe material shpërthyes, duke përfshirë nitratin e amoniakut që mund të përdoret për prodhimin e bombave.
“Rojet bregdetare çmontuan një bombë artizanale”, deklaroi për median admirali Yiannis Sotiriou, cituar nga agjencia zyrtare ANA.
“Pasojat mund të ishin të paparashikueshme për njerëzit dhe mjedisin”, shtoi ai.
