Zëdhënësi i qeverisë greke, Stelios Petsas, i ka kërkuar Turqisë që të largojë urgjentisht anijet nga zona e kontestuar detare në Mesdheun Lindor.
Në një intervistë për Skai TV, Petsas tha se nëse Turqia nuk i largon anijet, atëherë BE e ka gati listën e sanksioneve dhe mund ta verë në veprim në çdo moment.
“E vetmja gjë që neve na duhet të merremi vesh me turqit është delemitimi i detit”, tha ai.
Sipas tij, Turqia duhet të heqë anijet nga zona e kontestuar përpara datave 24-25 shtator, kur edhe sipas tij BE mund të miratojë sanksionet.
