Rreth orës 6:32 të mëngjesit, tërmeti me magnitudë mbi 4 ballë ka tronditur rajonin e Evias në Greqi. Lëkundjet janë ndjerë edhe në Atikë.
Sipas Institutit Gjeodinamik, tërmeti ishte me magnitudë 4.8 Rihter dhe epiqendra e tij ishte Evia.
Tërmeti është ndjerë në orën 6:32 me qendër 9 km në juglindje të zonës Zarakes. Tërmeti kishte një thellësi fokale prej vetëm 13.3 km dhe për këtë arsye u ndje veçanërisht në disa zona.
Pak minuta pas tërmetit 4.8 Rihter, pasoi një tërmet 3.2 Rihter me qendër në të njëjtën zonë. Deri më tani nuk ka raportime për dëme materiale apo persona të lënduar.
