Deklaratat e bërë nga ministri i jashtëm i Greqisë, Nikos Kotzias se Shqipëria ka pranuar përparimin e shtetit grek me 12 milje në kufirin detar, ka ngjallur reagime të forta në opinionin publik.
Ndërsa nga ana tjetër, ligjvënësit shqiptarë nuk kanë asnjë informacion për këtë çështje, ndërsa përpiqen t’u shmangen pyetjeve të gazetarëve në lidhje më këtë.
Në lidhje me këtë deklaratë të ministrit helen, edhe komisioni më i vëmendshëm ai i Politikës së Jashtme, pranon se nuk informacion të saktë e të qartë në lidhje me atë se çfarë është diskutuar, por justifikohen me faktin se është vetë ministri Bushati, i cili është kompetent i kësaj fushe.
Nga ana tjetër deputetë të tjerë shprehen se është e turpshme të marrin vesh nga ana e Greqisë këto informacione dhe jo nga pala shqiptare. Deklarata e mëposhtme tregojnë se deputetët e Parlamentit shqiptar nuk janë të informuar nga diskutimet, por nuk përjashtohet edhe fakti i një heshtjeje konsensuale, pasi çështjet në diskutim janë shumë të ndjeshme.
“Unë nuk kam asnjë informacion”, shprehet deputeti Ervin Bushati, teksa tenton ti shmanget gazetarëve. Ndërsa nënkryetarja e Kuvendit, Vasilika Hysi thotë se nuk ka informacion dhe po pret.“Ministri Bushati dha informacion të detajuar, ndërkohë që nuk ka asnjë marrëveshje të shkruar ende”, thotë Evis Kushi.
“Është gjynah që marrim informacion nga pala greke dhe jo nga ne është shprehur deputeti i PD”, Klevis balliu.
Informacion të privilegjuar nuk ka as deputeti Andrea Marto që vjen nga komuniteti grek në Shqipëri.
“Nuk kam asnjë informacion, kam ato që tha ministri”, tha deputeti Andrea Marto, i cili akuzoi gazetarët se janë agresivë.
Edhe Kryetarja e Komisionit të Jashtëm sdhprehet se nuk është ne dijeni të p0lotrë, por sipas saj, personi kompetent është vetë Bushati.
“Ka një vendim të Gjykatës Kushtetuese dhe i mbetemi këtij vendimi, i vetmi njeri që mund të përgjigjet për këtë është ministri Bushati, meqënëse ka një interes të madh publik lidhur me vazhdimësinë e bisedimeve. Ne do të jemi sërish këtu për ti rikërkuar ministrit një shpjegim”, thotë kryetarja e Komisionit të Jashtëm, Mimi Kodheli.
Deputeti socialist, Taulant Balla është shprehur se duhet patur durim, pasi marrëveshja do të arrihet bazuar në rregullat dhe ligjet e Gjykatës Kushtetuese.
“Mos bini pre e këtyre dezinformimeve mediatike, duhet të ketë durim sepse vendimi i Gjykatës Kushtetuese ka qenë shumë i qartë. E gjithë procedura do të jetë ligjore dhe në interes të Shqipërisë”, thotë Balla.
PD është e shqetësuar për transparencën, por nuk shprehet kundër në parim për këtë marrëveshje, e cila u nis nga Lulzim Basha në vitin 2009.
“Informacione nga ERT dhe nga ERTV, ato janë ballafaquar dhe janë krejtësisht të kundërta dhe kjo vlen të debatohet dhe nuk janë unë që do të jap opinionin për të gjithë partinë apo grupin parlamentar”, thotë deputeti i PD, Luçiano Boçi.
Në parlament në këto ditë të nxehta u pa edhe Bujar Muca, ish deputet i PDIU-së i cili u dorëhoq pak muaj më parë nga mandati.
“Nuk jam i informuar, kam qenë disa ditë jashtë dhe sapo erdha”, thotë Muça. Mes deputetëve ka edhe nga ata që nuk e kursejnë sinqeritetin dhe as përpiqen të jenë diplomatë.
“Jemi të informuar aq sa jeni ju të informuar, po nuk jeni ju të informuar, çfarë të them unë”, shprehet Rakip Suli.
