Shefi i policisë në Greqi ka kontaktuar me kreun e Policisë së Shtetit, Ardi Veliun, lidhur me ngjarjen e djeshme, ku u vra minoritari grek në Bularat.
Mësohet se policia greke ka kërkuar pjesëmarrje në hetimin e ngjarjes së djeshme, ku forcat RENEA vranë Kostandinos Kaçifas.
“Nuk ka të dhëna, as dëshmitarë, që të lidhin ngjarjen e rëndë në ngritjen e flamurit grek. Nga momenti i parë, shefi i policisë greke Aristidhis Andrikopulos ka kontaktuar me homologun shqiptar, në kuadrin e bashkëpunimit që kanë dhe është informuar për ngjarjen, ku kanë filluar procedurat për pjesëmarrjen e palës greke në investigimin e ngjarjes. Madje, të njëjtat burime theksojnë se po kryhen veprimet e duhura në rrugën diplomatike për pjesëmarrjen e palës greke në hetimin e ngjarjes, duke u informuar në kohë si dhe me çdo formë bashkëpunimi të kërkuar nga autoritetet shqiptare. Policia greke informon se Konstandinos Kacifas mori pjesë në përgatitjen e fshatit për festën, në vendosjen e flamujve, krejt normalisht”, thuhet në reagimin e policisë greke.
