Diskutimet mes Greqisë dhe Maqedonisë kanë marrë vëmendjen e të gjitha rajonit, por edhe të disa vendeve brenda Bashkimit Evropian. Mediat greke gjatë ditës së djeshme kanë raportuar se ministri i Jashtëm i Greqisë nuk është pritur mirë në Maqedoni. Klima që i parapriu vizitës së kryediplomatit grek, Nikos Kotzias në Shkup sipas mediave greke ishte e çuditshme dhe shqetësuese njëkohësisht.
Mediat greke bën përgjegjës ish-kryeministrin e Maqedonisë për situatën aspak miqësore, por ndërkohë i druhen lojës radikaliste që mund të përdor Nikolla Gruevski. Ai njihet si politikan nacionalist,ndërsa skenari që ngritën mediat greke mund të qëndrojë. Duke iu referuar burimeve, TV ERT raportoi se propozim-marrëveshja me vërejtje e dërguar nga Shkupi le përshtypje se është shkruar nga ish-kryeministri, Nikolla Gruevski, pasi e njëjta përmban të gjitha pozicionet radikale.
Gjithashtu pritet me interes të madh dialogu mes të dyja vendeve, por sidomos për Maqedoninë pasi prej vitesh ndodhet e izoluar për shkak të përplasjeve me Greqinë. Kujtojmë se mediat greke gjatë ditës së djeshme kanë raportuar se raporti i Greqisë në lidhje me emrin është prej 20 faqesh, ndërsa ai Maqedonisë përbëhet prej 5 faqesh.
