Biznesmeni i njohur në ishullin Zakynthos të Greqisë, Dionysis (Dimis) Korfiatis është ekzekutuar mesditën e sotme. Disa muaj më parë, ai i kishte shpëtuar një tjetër atentati, por humbi jetën bashkëshortja e tij.
Biznesmeni kishte shkuar në një zyrë kontabiliteti për të diskutuar përfshirjen e tij në një program financimi, kur një person shfaqet dhe fillon të qëllojë drejt zyrës së Korfiatis, shkruan Kathimerini.
Në këtë moment 54-vjeçari u plagos për vdekje, ndërsa një nga pronarët e zyrës u plagos lehtë dhe u transportua në Spitalin Zakynthos dhe ndodhet jashtë rrezikut për jetën.
Në qershor të vitit 2020, persona të panjohur qëlluan 54-vjeçarin dhe gruan e tij 37-vjeçare, duke e i marrë jetën kësaj të fundit. Viktima ishte Christina Kloutsinioti, e cila ishte edhe kandidate për këshilltare komunale në zgjedhjet e mëparshme lokale të mbajtura në Greqi.
Kohët e fundit, ai kishte dëshmuar si dëshmitar i prokurorisë kundër dy kriminelëve shqiptarë dhe një oficeri të fshehtë të policisë, të cilët u akuzuan për vjedhje të 550,000 eurove. Për më tepër, Korfiatis kishte kontakte me njerëz të akuzuar si autorë të vrasjes së një 37-vjeçari, në gusht 2017 në Zakynthos.
