Dy operacion e policisë grekë kanë vënë në pranga 4 shqiptarë, të moshave nga 22 deri në 33 vjeç. Gjithashtu është sekuestruar rreth 74 kg drogë nga dy operacione të zhvilluara në Igumenicë dhe në Kozani pranë Kapshticës.
Sipas mediave greke, një operacion është zhvilluar në një zonë pyjore në Sajadhë, Igumenicë, ku 3 shqiptarë të moshave, 22, 25 dhe 33 vjeç sapo kishin kaluar kufirin më këmbë me dy çanta plot me drogë. Pas peshimit ka rezultuar 37 kg e 610 gram marijuanë.
Ndaj 25-vjeçarit dhe 33-vjeçarit kishte urdhër ndalimi të mëparshëm për kalim në shtetin grek.
Në operacionin e dytë të zhvilluar në Kozani pranë Kapshticës është zbuluar një sasi gati e njëjtë droge. Policia greke ka ndaluar një mjet që vinte nga kufiri i gjelbër dhe drejtohej nga një 28-vjeçar shqiptar.
Në mjet u gjetën dhe sekuestruan 2 çanta që përmbanin 36 pako me 36 kg e 700 gram marijuanë. Pas gjetjes së drogës policia i ka vënë prangat shoferit shqiptar.
