Kryeministri Edi Rama, po diskutonte gjithçka deri ditën kur Bashkimi Evropian ia përplasi në fytyrë shtyrjen e negociatave.
Media greke Efsyn.gr shkruan se Rama ishte i gatshëm të strehonte në Shqipëri edhe refugjatët që vijnë nga Lindja, pavarësisht deklaratave të publike me anë të të cilave e mohonte vazhdimisht këtë fakt. Por nën tavolinë ai po negocionte për të kryer një shkëmbim të tillë; hapjen e negociatave me strehimin e refugjatëve.
Por karta e tij u dogj shumë shpejt sidomos nga ngurrimi i francezëve, holandezëve dhe danezëve. Ndërsa vetë kreu i qeverisë nxitoi të hedhë poshtë atë që kishte rënë dakord me zyrtarë të Brukselit, për hapjen e negociatave me strehimin e 600 mijë sirianëve, shkruan media greke Efsyn.gr
Ai madje deklaroi hapur se Shqipëria nuk do t’i pranonte refugjatët edhe nëse do të përshpejtohej procesi i anëtarësimit të vendit në BE.
Në një intervistë të pak ditëve më parë për Bildin gjerman Rama theksoi se ai është kundër trajtimit të emigrantëve si mbeturina toksike që hidhen nga një vend në tjetrin, duke shtuar se përdorimi i Shqipërisë si vend transiti dhe strehimi i refugjatëve, do të ishte një “zgjedhje dhe zgjidhje e rrezikshme”.
Megjithatë, pak kohë më parë kancelari austriak Sebastian Kurtz dhe presidenti i Parlamentit Evropian Antonio Tajani propozuan Shqipërinë si vendin që do të strehonte refugjatët gjë e cila nuk u kundërshtua nga kryeministri Rama.
Me gjithë përpjekjet nën tavolinë të kryeministrit Rama me zyrtarët e BE-së, ndërsa priste që të hapeshin negociatat. Por, BE e la Ramën me gisht në gojë duke i shtyrë ato me një vit, edhe pse kreu i qeverisë u mundua që dështimin ta shesë për sukses, meqë BE caktoi një datë për hapjen e negociatave vitin tjetër, që një nga kushtet do të vijojë të mbetet edhe strehimi i refugjatëve.
