Komisioneri për Zgjerim Johanes Hahn, është pozicionuar ndaj pyetjeve të ngritura nga dy eurodeputetë grekë, të cilat kërkoni mendimet e Komisionit Evropian mbi çështjet shkollore në lidhje me lëndën e historisë në Shqipëri, të cilat në pikëpamje të tyre, hartat në tekste përmbajnë pretendime territoriale ndaj fqinjëve.
Ata shtojnë se këto harta mbajnë esencë irredentiste. “Çështjet dypalëshe duhet të trajtohen nga palët e interesuara sa më shpejt që të jetë e mundur”-është shprehur Hahn.
Sipas gazetës së SYRIZA-s në pushtet, “Avgi”, Hahn “pa u pozicionuar direkt për çështjen në fjalë”, ka shtuar se “nga sa është në dijeni KE, ka një komision të përbashkët greko-shqiptar që po shqyrton rishikimin e teksteve shkollore”. Komisioneri Jaohannes Hahn ka theksuar se marrëdhëniet e fqinjësisë së mirë dhe bashkëpunimi rajonal, janë një ndër vlerat themelore të procesit të stabilizimit asociimit dhe zgjerimin në Bashkimin Evropian.
Hahn duke u bazuar në progresin e raportit të fundit për Shqipërinë, marrëdhëniet me Greqinë janë përgjithësisht pozitive, duke shtuar se ka pasur edhe takime të shpeshta në nivele të larta. Gjatë tetorit të 2017, eurodeputetët e SYRIZA-s, Dimitris Papadimoulis dhe Stelios Kouloglou iu drejtuan Komisionit Evropian në lidhje me lëndët mësimore të Shqipërisë, duke shprehur ankesë në lidhje me përmbajtjen e tyre.
“Në një kohë që Shqipëria aspiron përshpejtimin e procesit të anëtarësimit në BE, harta me përmbajtje nacionaliste dhe irredentiste përfshihen në tekstet zyrtare shkollore, duke propaganduar idenë e “Shqipërisë së Madhe”-thuhet në shqetësimin e tyre.
Këto harta përfshijnë territore të gjithë vendeve fqinje, si dhe të një shteti anëtar të BE-së, që është Greqia”, nënvizonin në argumentimin e pyetjes së tyre dy eurodeputetët grekë”-ndërsa Hahn iu ka kthyer përgjigje atyre.
