Pas lirimit, ekstremisti grek Babis Karathanos ka dhënë një mesazh ndaj qeverisë shqiptare. “Unë shpresoj se pas praktikave të ndjekura nga regjimi shqiptar kundër nesh, dhe kundër minoritetit grek, të gjithë ta kenë kuptuar se kush janë ata që qeverisin në vendin fqinj!”, shkruan Karathanos pas lirimit të tij.
Sipas mediave greke, dje në Bularat kanë qenë të pranishëm rreth 3.000 qytetarë grekë, të cilët u intimiduan nga kontrollet e shumta që u bënë në kufi me Shqipërinë.
12 shtetasit grekë e ndaluar, janë liruar gjatë natës, dhe me insistimin e deputetit Vangjel Dule, i cili ka qëndruar përgjatë gjithë mbrëmjes së djeshme në komisariatin e policisë së Gjirokastrës. Dule i quajti normale thirrjet antishqiptare që u bënë dje në Bularat.
