Presidenti i Brazilit, Jair Bolsonaro, ka çuditur botën me deklaratën e tij, teksa është shprehur shumë skeptik lidhur me vaksinimet.
Ai i ka habitur të gjithë me teorinë që ka bërë publike në lidhje me vaksinat anti-COVID, ku është shprehur kategorikisht kundër vaksinave amerikane.
Sipas tij, vaksina Pfizer-BioNTech, mund t’i kthejë njerëzit në krokodilë, ose zonja me mjekër. Duke i mëshuar fort qëndrimit të tij, ai është ndalur edhe tek kontrata e Pfizer, ku thuhet se nuk mbajnë përgjegjësi për ndonjë efekt anësor, që mund të shkaktohet tek qytetarët.
Ai madje shkoi më tej duke cituar se ekspertët e kësaj vaksine, nuk mbajnë aspak përgjegjësi edhe nëse një gruaje i rritet mjekra apo nëse një burrë fillon të flasë me zë femëror.
“Në kontratën e Pfizer thuhet shumë e qartë: “ne nuk mbajmë përgjegjësi për ndonjë efekt anësor”. Nëse kthehesh në një krokodil, është problemi yt. Nëse bëheni mbinjerëzorë, nëse një gruaje fillon t’i rritet mjekra ose nëse një burrë fillon të flasë me zë femëror, ata nuk mbajnë përgjegjësi“, tha presidenti Bolsonaro.
