Asambleja e PS-së po zhvillon punimet ditën e sotme, ndërkohë që ka zyrtarizuar edhe emrin e Edi Ramës për kryeministër për mandatin e dytë.
“Si rregull partia që fiton zgjedhjet i bën propozimin Presidentit për kryeministër. Ne e kemi në statut që kryetari i partisë është kryeministër, por Presidenti nuk ka detyrimin të lexojë statutin tonë. Ne e kemi detyrimin që ta zyrtarizojmë sot”, tha Gramoz Ruçi, i cili bëri një lapsus teksa tha se Rama do të shkojë në Presidencë si kandidat për President në vend që të thoshte kandidatit për kryeministër.
