Figura të njohura, ditët e fundit, kanë reaguar për zgjedhjen e Gramoz Ruçit në krye të Kuvendit të Shqipërisë. Debate që lidhen me të shkuarën e zotit Ruçi.
Një prej figurave që ka reaguar është dhe shkrimtari i njohur, Ismail Kadare në një intervistë të dhënë për emisionin “Studio e Hapur”, i ka thënë gazetares Eni Vasili se e shkuara e mban peng të ardhmen e Shqipërisë.
“Çdo gjë që ka lidhje me krimet e një tiranie mban një seri pengjesh dhe në Shqipëri ka shumë pengje, që ne nuk na shkon në mendje, mbahen nga kjo gjë, nuk zbulohen nga kjo gjë, veprimtari, rryma të fshehta që gëlojnë akoma, që ne nuk i dimë nga e kanë burimin, sigurisht që mbahen të fshehta”, është shprehur Kadare.
