Specialisti i IT, Tomi Kallanxhi, është i mendimit se qytetarët shqiptarë nuk janë familjarizuar me sigurinë kibernetike, dhe lundrimi i tyre në internet më së shumti lidhet me mediat sociale. Ai tregoi disa hapa efikase se si duhet të mbrohemi nga sulmet e hakerave.
“Më duhet ndihma jote”, është mesazhi që po përdoret nga hakerat për qytetarët shqiptarë. Ky mesazh dërgohet nga një person që ju njihni dhe që i është hakeruar llogaria në rrjetet sociale. Në momentin që ju i përgjigjeni, edhe llogaria juaj do të hakerohet.
