Një grabitje është regjistruar në orët e para të mëngjesit të sotëm në Greqi.
“Zougla.gr” raporton se katër autorë të paidentifikuar shpërthyen 3 bankomate në një qendër tregtare në zonën e Perivola, Patras, duke marrë shuma të konsiderueshme parash.
Autorët e armatosur kanë mbërritur në qendrën tregtare rreth orës 4:30 të mëngjesit dhe menjëherë nxituan drejt vendit ku ndodheshin bankomatët. Sipas policisë, ata kanë hedhur në erë bankomatët, morën paratë dhe u larguan me një makinë.
Ndërkohë, qendra tregtare pësoi dëme si pasojë e këtyre shpërthimeve. Menjëherë pas kësaj ngjarjeje, policia nisi hetimet për zbardhjen e çështjes.
Ata morën dëshminë e një personi që ndodhej në qendrën tregtare në momentin e shpërthimit, ndërsa po vëzhgojnë edhe pamjet e kamerave të sigurisë.
