Një vjedhje me dhunë ka ndodhur në fshatin Ashtë të Vaut të Dejës në Shkodër. Policia bën me dije në informacionin paraprak se një shumë parash dhe një makinë tip “Benz” me targa AB 518LB, i janë vjedhur Zef Pepajt.
Persona ende të paidentifikuar kanë vjedhur me dhunë në banesën e Zef Pepajt, një shumë parash dhe automjetin tip “Benz”, i cili ka qenë i parkuar në oborrin e kësaj banese. Tashmë është ngritur grupi hetimor, dhe vijojnë hetimet intensive për zbardhjen e rrethanave të ngjarjes.
“Më datë 05.10.2022, rreth orës 04:25, në fshatin Ashtë, Vau i Dejës, persona ende të paidentifikuar kanë vjedhur me dhunë në banesën e shtetasit Z. P., një shumë parash dhe automjetin tip “Benz”, i cili ka qenë i parkuar në oborrin e kësaj banese.
Është ngritur menjëherë grupi hetimor, dhe vijojnë hetimet intensive për zbardhjen e rrethanave të ngjarjes, identifikimin dhe kapjen e autorëve. Shërbimet e policisë vijojnë kontrollin e zonës, me qëllim kapjen e autorëve”, njofton policia.
