Ka shkuar në 6 numri në total i personave për vjedhjen në Rinas. Personi i prangosur është shtetas nga Kosova, identiteti i të cilit u raportua nga Alkond Bengasi.
Arrestimi i tij është kryer te Shkëmbi i Kavajës, gjatë një operacioni mjaft sekret, bën me dije “Top Channel”.
Bengasi e përshkruante atë si njeriun që takonte shpesh Admir Muratajn dhe Klement Çalën. Ai e kishte përshkruar atë si një person rreth 50 vjeç, nga Kosova, i thirrur ndryshe edhe me nofkën “Daja”.
Prokuroria bëri publike sot dinamikën e grabitjes së Rinasit. Në të thuhet se ka pasur shkëmbim zjarri mes policisë dhe grabitësve, dhe se ndjekja ka vijuar dhe rrugës ku u gjet një trup i pajetë, i cili i përket Admir Muratajt. Gjatë këqyrjes atij iu gjet një granatë dore, dy granata tymuese, një pistoletë, gërshërë dhe aparat për bllokimin e valëve.
