Oltion Veseli është njeri prej pesë të arrestuarve për grabitjen e miliona eurove në aeroportin ndërkombëtar “Nënë Tereza”.
Mirëpo, Hasan Veseli, babai i Oltion Veselit në një prononcim për “ABC News” shprehet se nuk është i bindur për akuzat e ngritura ndaj djalit të tij.
“Mua nuk më shqetëson fakti se erdhën e bënë kontroll pavarësisht se e bënë sikur ia bënë Preng Calit dikur. Mua më shqetëson shumë media”, deklaroi ai.
Babai i të dyshuarit si grabitës i parave në Rinas, bën të ditur se i biri nuk ka qenë asnjëherë pjesëtar i forcave paqeruajtëse dhe as i arrestuar më parë.
“E vërteta është se nuk ka qenë. Djali ka qenë atje në shkollë për master. I kanë kapur në xhiro me 3-4 shokë të vet atje në atë vend në Jemen dhe në krye të 3-4 ditëve ai ka marrë pafajësinë atje. Dokumentet i kanë futur bashkë me të tjerat dhe në krye të 7 muajve na kanë thënë me i bërë ekstradim. Këtë punë e di Policia e Krujës dhe ajo e Shtetit”, shtoi ai.
Veseli në vitet 2000 ka qenë në Jemen me studime, më pas ka shkuar në Afganistan, ndërsa u arrestua në 2005 nga trupat amerikane gjatë një operacioni kundër talebanëve në Afganistan.
