Rreth orës 04:00 të mëngjesit të sotëm është grabitur një kantinë vere në Rrashbull të Durrësit.
Sipas informacioneve paraprake, tre persona me maskë kanë hyrë në ambientet e kantinës, kanë lidhur rojen dhe më pas kanë marrë një kasafortë në një nga zyrat.
Mësohet se grabitësit kanë marrë edhe një furgon tip benz me targa DR 3538 D dhe më pas janë larguar.
Policia ka shkuar në vendngjarje sapo ka marrë njoftimin e grabitjes dhe po punon për identifikimin dhe kapjen e autorëve.
