Kamerat e sigurisë brenda një spitali të gjinekologjisë, kanë regjistruar momentin kur një grua ia rrëmben foshnjën e porsalindur një nënë, e cila po flinte gjumë pranë saj. Në video shikohet qartë momenti, kur një grua e paidentifikuar futet në dhomën e spitalit dhe rrëmben foshnjën, e cila kishte vetëm 6 orë që kishte ardhur në jetë. Foshnja në momentin e grabitjes ndodhej pranë nënës së saj.
Rrëmbimi i foshnjës ka ngritur në këmbë institucionet e spitalit në qytetin indian Thane.Nëna Mohini Mohan Bhavar, 19-vjeçe, kishte sjellë në jetë foshnjën dhe po pushonte në shtrat, ndërsa kamerat e sigurisë kanë filmuar momentin kur një grua i rrëmben fëmijën dhe largohet nga spitali.
http://www.dailymotion.com/video/x6d8szn#tab_embed
“Rreth orës 1 të mëngjesit më është afruar një grua e cila kishte pyetur për mua dhe më kishte marrë djalin. Ndërsa kur u zgjova rreth orës 4 e kuptova se djalin nuk e kisha afër vetes”-ka thënë nëna.
Bashkëshorti i saj ka paditur menaxherin e spitalit për shkak të mungesës së sigurisë, ndërsa i irrituar shprehet se siguria ndaj pacientëve nuk ekziston fare. Ky veprim ka vënë në lëvizje edhe policinë e këtij vendi, ndërkohë po punohet për identifikimin dhe kapjen autores. TIRANA TODAY
