Dy ditë më parë, persona të paidentifikuar kanë tentuar të djegin dy mjete të parkuara në rrugën e “Vilave” në fshatin Lundër, në periferi të Tiranës.
Nga ana e policisë, po punohet për identifikimin dhe kapjen e autorëve. Lidhur me këtë rast, materialet hetimore i kaluan Prokurorisë pranë Gjykatës së Shkallës së Parë Tiranë.
Ende nuk ka informacione, se kujt i përkasin makinat e parkuara, që janë vënë në shënjestër të personave që kanë tentuar t’i djegin. Blloku i “Vilave” në Lundër banohet kryesisht nga personazhë publikë, dhe njihet ndryshe si lagjia e VIP-ave.
“Më datë 26.10.2021, gjatë natës, në rrugën e “Vilave”, në fshatin Lundër, dyshohet se kanë tentuar të djegin dy mjete të parkuara. Punohet për identifikimin dhe kapjen e autorit/ve. Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme”, njofton policia.
