Një grabitje është regjistruar sot në orët e para të mëngjesit. Mësohet se një biznes privat është grabitur rreth orës 03:00 të mëngjesit në qytetin e Patosit.
Pronari i objektit, qytetari me iniciale M.K ka deklaruar se grabitësit kanë vjedhur dy automjete, një “Audi” e një “Land Rover”, 2800 euro dhe 60 000 lekë të reja, të gjitha në pronësi të shtetasit në fjalë.
Po ashtu, pronari konstaton se janë shkaktuar edhe dëme të shumta materiale, ndërsa pohon se nuk ka asnjë konflikt të mëparshëm.
Nga policia janë sekuestruar edhe pamjet e kamerave të sigurisë, ndërsa paraprakisht mendohet që mund të kenë qenë më shumë se dy autorët e kësaj ngjarje.
