Katër shqiptarë kanë rënë në pranga të policisë italiane, pasi akuzohen për grabitje të vilave në veri të Italisë.
Bëhet fjalë për Agustin Pjetërgjokaj, 24 vjeç, Kristjan Keci, 28 vjeç, Cesk Thani, 32 vjeç, të tre me banim në Legnano, në Milano dhe Kristjan Mehilli, 25 vjeç, me banim në Tortona.
Sulmet ndaj shtëpive në krahinat e Alessandrisë, Bergamos, Milanos dhe Brescia ndodhën midis qershorit 2018 dhe këtij muaji, ndërsa në një rast ata qëlluan dhe kujdestarin e një çifti të moshuar me grusht.
Shqiptarët i kryenin grabitjet të armatosur, në kërcënimin e armës dhe levës prej hekuri.
Hetimet filluan pas një grabitje brutale më 29 nëntor kundër një sipërmarrësi nga Cella Monte.
Duke kërcënuar pronarin dhe tre miqtë e tij, ata morën 10,000 euro, disa orë të çmuara dhe objekte të tjera të vlefshme. Nga aty nisën hetimet rreth gjurmëve të lëna dhe vëzhgimit të kamerave të sigurisë në zonë, gjë që çoi në identifikimin e makinës të përdorur nga kriminelët.
Mjeti ishte në pronësi të një personi me banim në Lombardi. Pika e kthesës erdhi më 14 prill, kur karabinierët pikasën katërshen në provincën e Cuneos, me makinë gati për të krye një tjetër vjedhje.
