Në ndeshjet e kupave rregulli i UEFA-s është i tillë që golat e shënuar në transfertë kanë një vlerë të veçantë dhe kanë peshë që të të dhurojnë kualifikimin kur rezultati i golave në të dy ndeshjeve është i barabartë.
Por ky rregull është kërkuar nga trajnerët më të mirë që të ndryshohet, pasi sot është bërë mjaft e lehtë që të shënosh në fushën kundërshtare dhe penalizimi që marrin skuadrat në ndeshjen e kthimit është i madh dhe ia humb rëndësinë. Ky është diskutimi që është bërë në Nion mes disa trajnerëve elitë të Europës, në takimin e përvitshëm të forumit “Uefa Elite Club Coaches”.
“Trajnerët mendojnë se të shënosh nuk është më aq e vështirë sa në të kaluarën, e për këtë arsye mendojnë se rregulli duhet rishikuar”, ka deklaruar zv/sekretari i përgjithshëm i UEFA-s, i cili ka shtuar se do ta bëjnë këtë pasi “Logjika është se futbolli po ndryshon dhe pesha e golave të shënuar jashtë shtëpie nuk ka të njëjtën peshë si vite më parë kur u prezantua rregulli”.
