Një ditë pasi humbi jetën punëtori i një godine në konstruksion në Golem, përfaqësuesi i firmës ku punonte 40-vjeçari, si dhe janë shpallur në kërkim administratori dhe drejtuesja teknike e firmës.
Shtetasi me iniciale D.H., ishte duke punuar në një objekt ndërtimi në Golem, kur u rrëzua nga kati i tretë dhe më pas ndërroi jetë në spital.
I arrestuari M. K., 37 vjeç, banues në Durrës me detyrë përfaqësues i firmës që kishte marrë përsipër kryerjen e punimeve në objektin e ndërtimit në Golem akuzohet se ka shkelur rregullat e mbrojtjes në punë, pasi nga verifikimet e kryera ka rezultuar se punëtori D. H., nuk ka qenë i siguruar dhe nuk ka pasur kontratë pune me firmën e punimeve që shtetasi M. K. përfaqësonte.
Po ashtu, janë shpallur në kërkim policor administratori dhe drejtuesja teknike e firmës që kryente punimet, shtetasit I. K. dhe E. S., pasi nuk kishin marrë masa për zbatimin e rregullave të mbrojtjes në punë.
