Ylli i Gabigol ka realizuar golin e tij të 18-të në kampionatin brazilian me skuadrën e Santos. Kjo ka qenë ndeshja e fundit e yllit brazilian në shtëpi me skuadrën ku u rrit. Në janar do të kthehet në Milano për t’u larguar përsëri, ndoshta për te Palmerias. Në fund të ndeshjes, vetë lojtari ka thënë: “Dua t’i falënderoj të gjithë”.
Gabriel Barbosa ka shënuar golin e tretë të Santos, që ka rezultuar vendimtar, edhe pse jo për renditjen, duke parë se skuadra nuk është kualifikuar për edicionin e ardhshëm të Kupës Libertadores. Pas golit ka hequr fanellën dhe ia ka treguar të gjithë publikut para se të ulej në gjunjë dhe të puthte stemën e Santos.
“Nuk e di nëse kjo ka qenë ndeshja e lamtumirës, por ka qenë shumë emocionuese të shënoja në ndeshjen e fundit të luajtur në shtëpi, tani do të mbështes shokët e skuadrës. Nëse ka qenë një lamtumirë, falënderoj të gjithë tifozët. Të shohim se çfarë do të ndodhë.”
