Në “Camp Nou” mbrëmjen e sotme do të zhvillohet përballja e parë gjysmëfinale në kuadër të Champions League mes Barcelonës dhe Liverpool-it. Por në prag të kësaj supersfide Liverpool ka marrë një goditje të madhe, pasi Klopp nuk do të ketë në dispozicion një nga yjet e skuadrës.
Roberto Firmino nuk do të jetë në fushën e lojës mbrëmjen e sotme, pasi gjendja e brazilianit nuk u përmirësua.
Raportimet e fundit nga Anglia, bëjnë të ditur se Firmino nuk do të jetë i gatshëm të luajë asnjë minutë, madje bëhet fjalë të mos jetë as në stol me pjesën tjetër të ekipit.
Mbetet të shohim se cili do të jetë lojtari që do të zëvendësojë brazilianin në majën e sulmit.
