Policia në Divjakë ka arrestuar një 27-vjeçar, pasi ky i fundit dhunoi dhe goditi me grushta dy efektivë të Patrullës së Përgjithshme.
Nga informacionet paraprake, bëhet e ditur se shtetasi me inicialet E.B., po udhëtonte me makinën e tij “Land Rover”, dhe është ndaluar nga një patrullë policie në rrugën e plazhit të Divjakës.
Mes efektivëve të policisë dhe të riut ka nisur një debat, i cili më vonë ka degjeneruar në një sherr. Ndërkohë, kanë qenë disa efektivë të tjerë policie ata që kanë ndërhyrë dhe kanë kapur në flagrancë 27-vjeçarin nga Divjaka.
