Policia greke ka goditur një organizatë kriminale që merrej me shpërndarjen e lëndëve narkotike në rajonin e Atikës.
Sipas medias greke, në pranga kanë përfunduar katër shqiptarë, përkatësisht 29, 32, 35 dhe 35 vjeç dhe një shtetas grek, 24-vjeçar. Lënda narkotike ishte e destinuar kryesisht tek klubet e natës.
Policia greke bën me dije se operacioni erdhi pas informacioneve lidhur me aktivitetin e organizatës kriminale dhe pas veprimeve të gjera të kryera në terren, duke arritur të zbërthehet i gjithë grupi dhe rolet e veçanta të anëtarëve të saj.
Roli udhëheqës në organizatë ishte 32-vjeçari shqiptar, përgjegjës për gjetjen e sasive të kokainës.
Gjatë aksionit u sekuestruar 400 gram kokainë, shuma prej 43.065 euro, 47.000 leke, si dhe 286 dollarë. Gjithashtu u kapën peshore precize, 5 makina, motorë, 17 telefona celularë dhe shënime të ndryshme për blerjen dhe shitjen e drogës.
