Rezidenca e parë e Radio-Televizionit në Tiranë nuk do të ekzistojë më, pasi Bashkia ka dhënë leje për ndërtimin e një ndërtese shumëkatëshe.
Kjo ndërtesë historike është hequr qëllimisht para pak kohëve nga Ministria e Kulturës, nga lista e monumenteve të mbrojtura.
Denoncimi është bërë nga “Ne Shqipëria”, të cilët theksojnë se Veliaj është i pangopur dhe i pandalshëm në shkatërrimin e qytetit.
Godina në fjalë ndodhet në “Rrugën e Kont Urani”, ndërmjet rrugëve të Durrësit e Kavajës, në zonën me vila prapa Ministrisë së Arsimit. Në reagimin në fjalë, citohet se sikundër me vilat në “Rrugën e Elbasanit”, edhe në këtë rast po shkatërrohet historia e qytetit.
