Një ditë pas procesit të 30 qershorit, misioni i OSBE/ODIHR-it ka dalë në një konferencë për mediat, për të prezantuar raportin paraprak të vëzhguesve.
Drejtuesja e Misionit të Vëzhguesve të OSBE/ODIHR-it, Audry Glover, në një raport paraprak për zgjedhjet e 30 qershorit ka nënvizuar që në krye të herës se janë të paanshëm, pa marrë parasysh se kush fiton. Në 31 bashki ishte garë pa kundërshtar, e ndërsa qytetarët flasin për presion nga të dyja palët.
“Pati pretendime të besueshme nga qytetarët se ishin në presion nga të dyja palët”, tha më tej Glover, duke rikujtuar se opozita u tërhoq me pretendimin e rrëzimit të kryeministrit Rama nga pushteti. Ajo rikujtoi protestat e opozitës, për të cilat tha se disa ishin të dhunshme.
“Dua të falenderoj Ministrinë e Jashtme që na ftoi për të vëzhguar këto zgjedhje. Këto janë zgjedhjet e 14-të që vëzhgojmë në Shqipëri.
Kemi mbërritur si mision më 23 maj, më pas erdhën vëzhguesit afatgjatë e afatshkurtër. Ne vëzhgojmë të gjithë procesin, sepse ajo që ndodh para ditës së zgjedhjeve, është po aq e rëndësishme. Jemi këtu pa ndonjë ide të paracaktuar dhe pa ndonjë axhendë të fshehtë.
Jemi plotësisht të paanshëm e lëmë faktet të flasin. Ne nuk na intereson kush i fiton zgjedhjet, i vlerësojmë ato në bazë të përputhshmërisë së tyre me angazhimet e OSBE. Zgjedhjet lokale u mbajtën pa marrë shumë parasysh interesat e lektoratit.
Opozita vendosi të mos marrë pjesë, qeveria ishte e vendosur t’i mbante ato. Në këtë klimë të një ngërçi politik, zgjedhësit nuk patën mundësi reale për të zgjedhur”, u shpreh Glover.
“ Zgjedhjet e 30 qershorit u mbajtën pa marrë parasysh interesat e elektoratit. Opozita vendosi të mos marrë pjesë, ndërsa qeveria që e vendosur ti mbajë këto zgjedhje pa opozitën. Në këtë klimë ngërçi politik, zgjedhësit nuk patën ndonjë mundësi reale për të zgjedhur. Në 31 bashki, kandidatët për kryetarë bashkie garuan pa kundërshtarë.
Pati pretendime të besueshme nga qytetarët se ishin në presion nga të dyja palët. Ajo që ishte pozitive ishte se votimi u zhvillua në mënyrë të qetë dhe paqësore”, u shpreh ajo.
