Drejtori i Policisë së Shtetit, Gledis Nano, është përgjigjur sot nëse ka plan për çarmatosjen e popullsisë. Për mediat ai ka zbuluar se shumë shpejt do të ketë rezultate konkrete për autorë të disa vrasjeve të bujshme, që kanë tronditur vendin kohët e fundit. “Dua të sqaroj shkurt për shkak se të gjitha çështjet janë në hetim. Jemi duke zhvilluar hetime të rëndësishme, për të cilat do kemi rezultate në kohën që duhet të jepen këto rezultate.
Dua të garantoj gjithë qytetarët se policia e angazhuar për hetime e çuarjen deri në fund të hetimeve. Për hetime cilësore me qëllim zbardhjen e vënien para përgjegjësisë të këtyre autorëve, të veprave penale”.
“Policia vepron bazuar në kompetencën e objektin e punës që ka. Detyra jonë është të kapim të gjithë personat që mbajnë armë pa leje, vendimet e tjera nuk janë vendime që i takojnë policisë por iniciativa në nivele më të larta për të cilat nuk mund të jap asnjë koment”.
