Turqia vijon të ndihmojë të prekurit nga tërmeti që goditi vendin mëngjesin e 26 nëntorit.
Gjysmëhëna e Kuqe Turke ndodhet në terren për t’iu ardhur në ndihmë personave që tashmë nuk kanë ku të strehohen.
Sipas “Anadolu Agency”, personeli i Gjysmëhënës së Kuqe Turke ngritën çadra në Vorë dhe në fshatin Bubq, banesat e të cilëve u dëmtuan gjatë tërmetit.
Kujtojmë se para pak ditësh presidenti i Turqisë, Rexhep Erdogan premtoi se do të ndërtojë 500 njësi banimi, në ndihmë të banorëve të prekur nga tërmeti.
Njësitë e banimit nuk do të jenë vetëm për familjet në Thumanë dhe Durrës. Por edhe për ata banorët, shtëpitë e të cilëve janë kthyer në të pabanueshme.
