Është zbardhur tashmë dëshmia para policisë e gjyqtarit Skënder Damini, i cili së bashku me gjyqtarët e tjerë i zbutën dënimin Dritan Dajtit. Referuar çështjes së Dajtit, ai ka thënë se ka marrë këtë vendim pas leximit të dosjes.
Sa i takon shumës së gjetur e sekuestruar në banesën e tij, ai ka thënë se nuk janë paratë e tij, por i takojnë djalit. Për shumën rreth 17 mijë euro, ai disponon edhe dokumentet.
Nga ana e policisë së Tiranës, gjyqtari është pyetur edhe për fishekët që i janë gjetur në shtëpi. Gjyqtari është shprehur se janë të pistoletës që ai dispononte me ligj.
Kujtojmë këtu faktin se forcat speciale zhvilluan një aksion të befasishëm mëngjesin e kësaj të premteje në shtëpite e tre gjyqtarëve që shpëtuan Dritan Dajtin nga burgimi i përjetshëm.
Operacioni u zhvillua njëkohësisht në banesat e gjyqtarëve të Apelit të Vlorës, Skënder Damini dhe Petrit Aliaj si dhe në atë të Aleks Nikollës, gjyqtar në Gjykatën e Apelit në Shkodër, por me banim në Lezhë.
