I riu i cili i hodhi kapsollen polices Ina Nuku, pritet që të dalë sot para gjykatës për masën e sigurisë. 18 vjeçari Daniel Dobraj është marrë në pyetje paraditen e së shtunës nga prokurorët e çështjes, gjatë së cilës ka mohuar akuzën që të ketë qenë ai.
“Po është e vërtetë që kam hedhur tre kapsolla në protestë, por jo në drejtim të policisë, por në drejtim të kangjellave”.
Policia ndërkohë ka bërë me dije se hedhja e kapsollës nga i riu në drejtim të polices, është e dokumentuar me pamje filmike. Nëse akuza vërtetohet, ai rrezikon 3.5 vite burg.
Aktualisht Ina Nuka po merr mjekim të specializuar në një spital në Stamboll. Efektivja e policisë mbeti e plagosur gjatë protestës që u zhvillua përpara Kuvendit.
Policja ka humbur dy gishta, një gisht i tretë është prerë deri tek mollëza ndërsa një gisht tjetër ka pak dëmtime.
