Gjykata Speciale ka refuzuar kërkesën për lirimin nga paraburgimi të ish-kryeparlamentarit të Kosovës, Kadri Veseli. Avokati i tij, Ben Emmerson, kishte kërkuar që klienti i tij, Veseli të lirohet përkohësisht nga paraburgimi.
Ai madje kishte ofruar një listë me kushte që do të plotësoheshin nëse Veseli do të lirohej, por diçka e tillë nuk u pranua. Vendimin për refuzimin e kërkesës e ka marrë gjykatësi Nicolas Guillou.
Në vendim, thuhet se lirimi i Veselit do të pengonte përparimin e procedurave të Dhomave të Specializuara ose kryejnë krime të mëtejshme kundër tyre perceptohet si në kundërshtim me UÇK-në
“Gjyqtari i procedurës paraprake konkludon se ekziston rreziku që z. Veseli të ikë, pengojnë përparimin e procedurave të Dhomave të Specializuara ose kryejnë krime të mëtejshme kundër tyre perceptohet si në kundërshtim me UÇK-në, përfshirë dëshmitarët që siguruan provat në SPO dhe / ose pritet të paraqiten para Dhomave të Specializuara . Gjyqtari i procedurës paraprake do të vlerësojë më poshtë nëse këto rreziqe mund të adresohen në mënyrë adekuate nga Kushtet e propozuara.”
Kadri Veseli ndodhet në Hagë së bashku me ish-presidentin e Kosovës, Hashim Thaçi dhe ish-kryeparlamentarin, Jakup Krasniqi. Ata akuzohen për krime lufte dhe krime kundër njerëzimit gjatë luftës në Kosovë në vitin 1999.
